VAT SO, KUBERBOELIES
TWINTIG jaar lank het sy swygend die seer verduur as die vlymskerp tonge haar soos swepe afransel.
Sy het haarself telkens probeer oortuig dat alle akteurs soms afgekraak en beledig word. Tydens haar twee dekades in die sepie 7de Laan het sy immers geleer dat roem sy goeie en ook slegte kant het.
Tog het elke nuwe aanval deur die boelies wat in die skaduwees van die kuberwêreld skuil, so seer gemaak.
En steeds het Ingrid Paulus, oftewel die Laan se Vanessa Meintjies, dit swygend verduur.
Maar nie meer nie … In ’n openhartige onderhoud met vertel Ingrid die keerpunt het gekom nadat sy onlangs op 42 weer ma geword het. Sy kon nie langer stilbly nie – nie as sy ’n rolmodel vir haar
