AS DIE EEN WAT SLAAN MY VROU IS
DAAR was nie net een hou nie; die vuishoue het op hom neergereën.
En keer op keer het hy dit maar “soos ’n man” gevat en nie sy hande vir haar gelig nie – ook nie toe sy met ’n hou sy neus gebreek het nie.
Ja, sy mishandelaar was ’n vrou – sý vrou, die een aan wie hy trou beloof het; die een saam met wie hy hul kinders grootgemaak het.
Dwarsdeur sy huwelik was hy aan die ontvangkant van emosionele en fisieke mishandeling, vertel Henk*. “Sy het my soveel keer ’n bloedneus gegee; ek het al ophou tel hoeveel keer,” sê hy.
“Ons hoor altyd van geweld teen vroue en kinders, en dit ís ’n probleem, maar daar is mans wat ook sistematies
