VREDE – MAAR DIE SEER BLY
‘Daar is steeds aande wat ek wakker lê terwyl die beelde van daardie dag by my spook’
DIE man wat so breed vir die kamera glimlag terwyl hy op Mosselbaai met ’n glykabel oor die see ry of op Tergniet se uitgestrekte kuswaters uitspan, lyk of hy geen sorge op aarde het nie. Ja, beaam hy, hy hoor deesdae gereeld van vriende en familie dat hy soveel gelukkiger lyk.
Dis nou byna 20 maande sedert hy in Februarie verlede jaar deur die loopbrugtragedie by die Hoërskool Driehoek in Vanderbijlpark verpletter is. Toe het dit gevoel asof sy geluk vir ewig saam met sy geliefde leerders onder die vallende beton gesterf het. Maar die tyd het algaande sy geestelike wonde begin genees. En vandag kan die 61-jarige Hein Knoetze, afgetrede hoof van
