Local is lekker

SYLK&HONEY. sylkandhoney.com

Leef jy in gemaklike ontspanningsdrag tydens die inperking? Dan is dié items ’n moet vir jou klerekas. Dis geïnspireer deur die ou keisteenstrate en kerke in Sicilië, Italië, sê die Siciliaans-Suid-Afrikaanse stigter, Sylvanna Di Bella. “Ek was nog altyd mal oor ontspanningsdrag, maar kon nooit iets vind wat goed gemaak is en by verskillende liggaamstipes pas nie,” sê sy. Toe begin dié Johannesburger haar eie klerereeks. “Dis lekker om vroue pragtig én gemaklik te laat voel.”

LTM CURVE @ltm.curve

is die skepper agter dié klerereeks vir vroue met kurwes. “As vrou met kurwes was dit altyd moeilik om klere te kry wat my laat sexy voel, want alles wat vir ons bedoel was, was óf verslons, outyds óf verouderde blomme en motiewe,” sê sy. “Ek wou sexy terugbring na die vrou met kurwes. ’n Groot motivering was ook om die ingesteldheid van wat vroue met kurwes mag of nie mag dra nie te verander. Om my eie klerereeks te begin was ’n natuurlike verloop om hulle wonderlik oor hulself te laat voel.”