MARILISE VAN WYK
MARILISE is deesdae ’n bekende gesig op TV. Verlede jaar was sy te sien in die tienerdramareeks Tydelik terminaal, en nou maak sy weer ’n draai op die kassie in die kykNET- dramareeks Spoorloos: Heksejag én die sepie Binnelanders. En wanneer sy nie op die stel is nie, studeer sy vir nóg ’n graad!
VERKLEURMANNETJIE
Die 26-jarige aktrise van Pretoria speel die verpleegster Felicity Hendricks in die kykNET- sepie. “Sy skinder amper beter as wat sy haar werk as verpleegster doen,” sê Marilise, wat ook nou as Lucy in die tweede seisoen van die TV-reeks te sien is.
