Lentevoorbereiding

Ek skryf al meer as 25 jaar artikels oor bonsai, en elke jaar ongeveer hierdie tyd oor presies dit: lentevoorbereiding. En tog word ek die afgelope 25 jaar self onverhoeds betrap. Die rede is dat die lente in Suid-Afrika haastig kom as dit kom, en skielik kom jy agter dat daar te veel is om gelyktydig te doen. Dan gebeur dit alte dikwels ook dat jy eers na tien jaar by iets uitkom wat tot volgende jaar uitgestel word!