Vind jou ‘ikigai’
Die Japannese noem dit “ikigai”. Dit vertaal losweg as “bestaansrede” – iets wat jou soggens opgewonde maak om op te staan. Héctor García, medeskrywer van Ikigai: The Japanese Secret to a Long and Happy Life (Penguin, 2017), beskryf dit as die ontmoeting van jou belangstellings, talente, en dít wat die wêreld nodig het en bereid is om vir te betaal. Mense wat hul “ikigai” vind, leef glo langer en is gelukkig, energiek en produktief. Klink wonderlik.
Maar vir die meerderheid mense is dit nie ’n maklike ding om te vind nie – inderdaad soek hulle hul lewe lank daarna, sonder sukses, terwyl hulle dag ná dag in ’n beroep sit wat hulle min interesseer, maar die rekeninge betaal.
En toe kom die pandemie, en in die drie maande tussen 1 April en 30 Junie vanjaar het meer as 105 000 werkers art. 189a-kennisgewings gekry
