Maak jou boerdery droogtebestand
Oral waar mnr. Dale Strickler kom om met boere oor herlewingslandbou te praat, word daar vir hom vertel: “Dit sal nie hiér werk nie.
“Ek het lank gesoek, maar ek weet nou waar daardie ‘hier’ is waarvan boere praat. Dit is ’n baie klein plekkie … Hier is tussen hul ore. Hiér is in hul kop.”
Strickler sou een van die hoofsprekers op Landbouweekblad en Graan SA se herlewingslandboukonferensies in Maart vanjaar gewees het, en was reeds in Suid-Afrika toe dit skielik afgelas moes word weens die Covid-19-pandemie. Hy het nogtans met ’n klompie boere op Reitz en Ottosdal gesels, waar twee van die konferensies sou plaasvind.
“Julle dink dalk nou: Wat weet dié Amerikaner, want julle reken jul toestande is heeltemal verskillend van myne. Kom ons kyk. Ek boer in Kansas, reg in die middel van Amerika. By my is die heel belangrikste hulpbron vir my boerdery
