Hoe om ’n finansiële borrel te identifiseer
saac Newton, een van die invloedrykste wiskundiges van alle tye, het ’n fortuin verloor met die South Sea-borrel van 1720. Gevra hoekom hy met sy wiskundige vermoë nie kon voorsien die aandeel sou ineenstort nie, het hy na bewering geantwoord hy “kon die malheid van die mense nie bereken nie”. En wie kan hom verkwalik dat hy honderde of duisende of soms miljoene mense se oënskynlik irrasionele gedrag nie kon verstaan nie – die malheid van die menigtes, soos die joernalis Charles Mackay dit in sy topverkoper van 1841 oor finansiële borrels noem. Mackay se
