GESELS SAAM
MENINGS OOR STORIES OP HUISGENOOT.COM
1 RUS SAG, PRAGTIGE ENGELTJIE’
Ná die heengaan van klein Mienke Mulder het duisende lesers Huisgenoot se Facebook-blad oorstroom met huldeblyke, liefde en meegevoel
Rus sag, kleine Mienke. Jy was ’n vegtertjie. Dis bitter jammer jy moes op so ’n jong ouderdom van jou gesin af weggeneem word. Ek bid vir julle as gesin. CHRISTELLE
Dis so seer. Daai mensie het so diep in my hart ingekruip; ek het alles oor haar op Facebook gevolg. Sy was ’n vegter en vir altyd ons Mienke-pop. Rus sag, prinses. KARINA
My hart skeur in duisend stukkies. Julle het jul alles vir haar gegee. Sy is nou Jesus se huppelkind. Ek dink aan julle en omvou julle met eindelose simpatie. ELIZE
Ons innige meegevoel aan Mienke se ouers, Ryno en Verna, haar sussies en familie. Mag sy saggies rus in Jesus se arms. Mag Hy jul trane self afdroog. RIANA
