GRONDBEGINSELS VAN GESOND EET
ONS almal ken iemand wat telkens die jongste dieetgier begin volg en dit dan ’n paar weke later – of dalk selfs net ’n paar dae later – laat vaar. Of miskien is jy self een van daardie mense wat dit doen.
Maar deesdae vermy ál meer mense kitsdiëte en keer terug na die grondbeginsels van gesond eet.
Dié beginsels is gewortel in die idee dat die beste manier om gesond te leef is om kos te eet wat waarlik voedsaam is – vars, onverwerkte kosse (sogenaamde “whole foods”) vol voedingstowwe wat jou liggaam benodig. Dit is betroubaar, volhoubaar, gebalanseerd, kan met behoorlike beplanning bekostigbaar wees – en jy hoef nie daagliks op die skaal te klim of sekere kosgroepe uit te sny nie.
Dit kan jou gewig op koers hou, maar dit kan jou ook op die lange duur help gesond bly.
Laat kos jou medisyne wees, lui ’n aanhaling wat dikwels aan Hippokrates toegeskryf word. En daar steek waarheid daarin.
Voedsame kos is sonder twyfel deurslaggewend vir jou gesondheid en help om
