Koringboere wil markaandeel terugneem met eie meul
Die dreigende tragedie van die koringbedryf lê opgesluit in produsente se kwynende markaandeel en dus gebrek aan beheer oor hul produk. Só verduidelik mnr. Aubrey Terblanche, besturende direkteur van Gideon Milling in Epping in die Wes-Kaap.
Oor die afgelope 30 jaar het die plaaslike koringverbruik met 45% gegroei. Die plaaslike produksie oor dieselfde tydperk het egter met 40% gekrimp. Plaaslike koringboere se markaandeel het dus van 100% tot slegs 40% gedaal. Dit bring mee dat plaaslike koringboere vir baie jare tevrede moet wees daarmee om ’n uitnemende produk teen die lae prys van ingevoerde koring van swak gehalte aan die
