Stofbergs se eie ‘bulfabriek’ werp vrugte af
Topteelmateriaal. Dít is waarom alles by die Sussex-stoetery Platdrif by Worcester draai, sê mnr. Nollie Stofberg, wat saam met sy seuns, Pieter (28) en Nollie jr. (23), boer met wat vandag een van die top-Sussex-stoeterye in die land beskou word.
Boonop hou die stoetery die rekord vir hoogste prys nóg – R200 000 – wat vir ’n Sussexbul in Suid-Afrika betaal is, terwyl hy vanjaar ’n bul vir R180 000 verkoop het.
“Ons teel vandag ons eie topbulle. In ons opboufase was kunsmatige inseminasie ’n belangrike deel van ons teelbeleid, maar ons is tans taamlik tevrede met ons teelmateriaal. Daarom het ons nou na embriospoeling oorgegaan om ons kudde verder te verbeter,” sê Pieter.
“Natuurlik streef ’n mens altyd na nóg beter teelmateriaal deur deurentyd streng seleksie in die kudde toe te pas,” vul Nollie sr. aan. “Daarom het ons vanjaar die eerste Sussex-stoetery in die land geword wat met embriospoeling begin het. Ons gebruik
