Grensverskuiwend

Neem kennis van die Chamomile-boerdery, wat verlede jaar groente van meer as R1,5 miljoen aan Freshmark – die Shoprite Groep se varsprodukte-afdeling – gelewer het, asook maandeliks 28 000 dosyn eiers aan Nulaid, ’n groot bemarker van vars hoendereiers, lewer.

Maak ook ’n aantekening van High Veg Herbs, wat weekliks 80-150 kg vars kruie en speserye lewer. ’n Deel daarvan gaan na Wool-worths en die res aan U-Cook, ’n maatskappy wat daagliks volledig gebalanseerde etes aan huise aflewer om self voor te berei.

Albei is op die rand van ’n kommersiële deurbraak en is as klein boerderye begin deur opkomende boere wat ’n droom en visie gehad het.

In 2003 het mnr. Agmat Brinkhuis ’n lappie grond van 1,6 ha by Philippi op die Kaapse Vlakte gekoop waarop “niks anders as klippe was nie”. Hy, sy vrou, me. Wadea Jappie, en twee seuns, Nabeel