’n Splinternuwe familie
Die lewe het Bonita (Hildegardt Whites) die afgelope weke ’n paar dwarsklappe gegee. Eers het sy en haar kêrel, Justin (Dann-Jaques Mouton) uitgevind Justin is dalk DeWet (Dirk Stoltz) se biologiese seun, maar DNS-toetse het bewys hulle is nie verwant nie. Dit het Justin laat besef hy wil ’n beter pa wees vir sy eie seun, Luka (nie op die skerm nie), en hy en Bonita het aanvanklik beplan om saam na Ierland te reis sodat hy sy seun kan ontmoet en met hom ’n band kan smee. Maar uiteindelik was dit net Justin wat op die vliegtuig geklim het nadat hy van Bonita afskeid geneem het.
“Dit het Bonita gebreek,” vertel Hildegardt. “Sy was so lief vir hom en sou enigiets doen om hom gelukkig te sien. Sy’t soveel hoop gehad
