TERUG VIR ’N BIETJIE PRET
TOE die middeljarige man die Binneland-kliniek in November binnestap, het die gewilde kassiedokter Tertius Jonker verbaas opgekyk. “Hallo, Pa,” het Tertius, gespeel deur die akteur Reynard Hugo, verstom gesê. “Wat maak Pa hier?”
Kykers van Binnelanders op kykNET was net so verbaas. Dis dan Kandas? Of Jollyboy Roodt?
Ja, die rol van Tertius se pa, Koos Jonker, word inderdaad deur Ryno Hattingh gespeel – die einste Ryno wat in die 1980’s die knieë lam gemaak het met hoofrolle in rolprente en reekse soos Kiepie en Kandas, Sterretjie en Konings.
Dit is byna 30 jaar sedert Ryno (63) die kassie vaarwel toegeroep en hom op sy makelaarsonderneming toegespits het. Daarna het hy in 2009 kortliks teruggekeer na die destydse dramareeks as die Stryder Reinhardt Bekker se oupa Boet Bekker. En nou, 11 jaar later, kom veroorsaak hy drama in . “Ag, ek was maar net lus om weer ’n bietjie pret te hê,” sê die veteraanakteur.
