Trouklokke lui weer

Die blydskap wat dr. Hugo (Cobus Rossouw jr.) in November ervaar het toe hy en sy eksvrou, die fisioterapeut Julia (Eloise Clasen), uiteindelik versoen het, word in Desember lelik bedreig met die nuus dat Julia positief getoets is vir die borskankergeen.

“Die toets se uitslag ruk die mat onder Julia se voete uit, en wanneer Hugo haar kort daarna vra om te trou, sê sy nee,” verklap Eloise. “Sy wil hom nie by haar pyn en onsekerheid betrek nie.”