Bela-Bela is ’n boskampplek ryker
Veldry-entoesiaste wat die wêreld rondom Bela-Bela al platgekuier het, kan nou by ’n nuwe bestemming afsaal. Lekwena Ranch is 27 km buite die dorp, op die Alma-pad, en hier is pas ’n nuwe kampplek ingerig.
Dele van die grondpad tot by Lekwena is nie bedoel vir padwaens nie, maar nommerpas vir jou bos- of -woonwa.
Die kantoor is sowat 1,5 km van die hek af en dien sommer ook as onthaalplek, waar jy boonop goed soos koeldrank, lekkergoed, ys, hout en houtskool kan aanskaf. Langsaan is ’n ronde swembad en die badkamers.
Hier is nie kragpunte op die staanplekke nie, maar as jy dalk ’n foon of iets anders wil laai, kan jy by die badkamers of onthaalplek regkom. (Hoewel die selfoonsein maar power is, is hier wifi by die onthaalgebied.)
Die tien staanplekke begin 100 m verder die bosse in en is skoongemaakte kolle tussen die plantegroei. Die staanplekke is 50-80 m uitmekaar en is dus heerlik privaat en stil. Elke staanplek het ’n waterpunt, vullisdrom en losstaande staalbraaier. Een van die staanplekke het plek vir tot vier boswaens as jy
