ONTLUIKENDE MARKTE … EN TENDENSE
![f0032-01](https://article-imgs.scribdassets.com/1d36et2f7k8anvls/images/file0RJ5UJK4.jpg)
ontluikende markte trek weer beleggers se aandag – al is dit in gedempte mate. Die uitslag van Amerika se presidensiële verkiesing kan saam met lae of negatiewe rentekoerse in hoofsaaklik ontwikkelde markte dalk net die oplewing bied wat ontluikende markte se bates nodig het.
Die Wêreld- Ekonomiese Forum het laat in September gereken dat $13 700 miljard in bates met negatiewe opbrengskoerse gehou is. Dis omtrent die grootte van China se bruto binnelandse produk (BBP). Ons sal egter inkomstestaatitems met balansstaatitems vergelyk. Vir beleggers – en die toenemende aantal pensioentrekkers in ontwikkelde markte – beteken dit niks goeds vir die nabye toekoms nie. Terwyl die opbrengs afneem op markte soos die Europese Unie (EU), Brittanje, Japan en Amerika, reik geldbestuurders na riskanter markte in ’n poging om ’n bietjie positiewe opbrengs te kry. Die geldvloei na ontluikende markte was egter histories wisselvallig. Tog is $13 700 miljard in bates met negatiewe opbrengskoerse ’n ontsaglike bedrag. Die wêreld is vol goedkoop kontant, en ontluikende markte – met of sonder elke nasie se eienaardighede – kan deur dié reuseberg kapitaal bevoordeel word.
Eers moet ons egter die raaisel binne konteks plaas waarin ontwikkelde markte en sommige ontluikende markte hul bevind. Regeringskuld het die afgelope twee dekades wêreldwyd baie toegeneem, met vinnige stygings sedert die ineenstorting van Lehman Brothers in 2008 en die daaropvolgende wêreldwye finansiële krisis. In die EU het besuiniging – aangedryf deur fiskaal omsigtige nasies, waaronder Duitsland, Nederland en Denemarke – lande soos Portugal, Ierland, Italië, Griekeland en Spanje na die rand van
You’re reading a preview, subscribe to read more.
Start your free 30 days