Veelsydigheid met flair
waar dubbelkajuitbakkies voorheen net as hardwerkende en redelik basiese masjiene gesien is, is hulle deesdae gesinsvriendelike ontspanningsvoertuie wat net so goed die kinders skool toe kan neem en die hele familie kan rondry as wat hulle ’n vrag kan sleep of in die veld kan ry.
Hierdie lekker taai bakkies op hul hoë onderstelle is deurlopende topverkopers in Suid-Afrika, veral dié wat plaaslik gebou word. Die Ranger wat plaaslik monteer word, is ’n duidelike gunsteling onder bakkiekopers.
Die nuwe RangerThunder, ’n spesiale weergawe van die Wildtrak met ’n paar ekstras, is Ford se nuutste toevoeging tot die reeks. DieThunder kom as 4x2 of 4x4 met twee enjinopsies, ’n sterk sportiewe aanslag en heelwat styl.
