Sterk landbou-aar op Calitzdorp raakgeboor

Selfs in die landbougemeenskap van Calitzdorp in die Klein-Karoo was die binnewerkinge van die landbou tot redelik onlangs onbekend vir die deursneeskoolkind. Sedert 2017 leef leerders van die Hoërskool Calitzdorp hulself egter uit danksy die insluiting van twee landbouvakke, landboubestuur en landboutegnologie. Hulle floreer só dat dit moeilik is om hulle selfs in vakansietye van die skool weg te hou.

“Die leerders is ‘vrywillig geesdriftig’ oor die vakke,” sê mnr. Gerrit Huysamen, die landboutegnologie-onderwyser en een van die dryfkragte om dié landbouvakke by die skool se vakkeuses te voeg.

“Nou met lamtyd waar die (Angora)bokke hul lammers moet laat drink, of met lusernsnytyd, wil die kinders net help. Hulle hou van die aktiwiteitsvakke, en hul geesdrif is net baie meer as in ander akademiese afdelings, want hulle leef hulself ten volle uit.”

Danksy die vakke word die gemeenskap se oë