Met meer krag kom meer geleenthede
As iemand my, destyds as klein dogtertjie, vertel het dat motors eendag so propvol hulpstelsels sou wees dat hulle basies hulself sou kon bestuur, sou ek gedink het die persoon het een te veel Back to the Future fliek gekyk. Eweneens sou dieselfde klein dogtertjie daar in die karavaanpark in Bapsfontein nooit kon droom dat daar plekke soos die Abelana Natuurreservaat – waar jy letterlik op die hande gedra word – bestaan nie. Maar hier is ons vandag, in voertuie waarin ons amper oorbodig voel, op pad na plekke wat net in ons verbeelding bestaan het.
Die Prado se bemarkingsmateriaal maak daarop aanspraak dat hierdie voertuig jou drome in eindbestemmings kan verander. En behalwe vir slegte padtoestande op die N1 (wanneer gaan die stuk pad buite Polokwane ooit klaar wees?), was ons rit ‘n droom. Ons het vanaf Polokwane deur Magoebaskloof na Tzaneen gery en die Prado het hom heel goed gedra.
Ek het werk gehad om af te
