Tragedie en hoop
“Liefde en leed in Arendsvlei” lui die temalied van dié telenovelle – en dis presies wat 2020 vir die gemeenskap ingehou het. Twee karakters is vermoor, van die plan vir ’n dubbele troue het net een paartjie voor die kansel beland, en harte is in stukke gebreek. Op ’n positiewe noot is Arendsvlei (2018-nou) vir ’n derde seisoen hernu en daar het ’n rits nuwe karakters en stories bygekom. En die drama is nog lank nie verby nie.
