Nuwe walvisspesie word ontdek
WETENSKAPLIKES wat aan die weskus van Mexiko werk, sê hulle het ’n tot dusver onbekende walvisspesie ontdek. Dit is ’n soort snoetwalvis wat nog nooit voorheen amptelik beskryf is nie.
“Dit gee my hoendervel as ek dink dat ons dalk reggekry het wat baie mense sou sê werklik onmoontlik is – om ’n groot soogdier te kry wat op hierdie aarde bestaan en totaal onbekend vir die wetenskap is,” het Jay Barlow, een van die navorsers, gesê.
Die span het vroeër ’n onbekende akoestiese sein – die geluid wat walvisse maak – opgeneem en wou uitvind watter dier die geluid maak.
