KLEINHANDELAARS WEN MEESTE MET HOËR KOSPRYSE
DIE Mededingingskommissie, wat sedert die aanvang van die Covid-19-pandemie voedselpryse fyn monitor vir aanduidings van prysmanipulering, lug in sy jongste verslag oor die effek van die pandemie op voedselpryse sy kommer oor die optrede van kleinhandelaars.
Die kommissie is ook bekommerd omdat die verskil tussen winkelrak- en groothandel- of produsentepryse in verskeie gevalle tydens die aanvanklike streng inperking vergroot het, en vir sekere produkte nog nie weer verklein het nie.
Noodsaaklike voedselprodukte verteenwoordig sowat 30% van lae-inkomstehuishoudings se uitgawes. Dit is dié huishoudings wat, rakende werkverliese en ’n gebrek aan ’n veiligheidsnet van persoonlike spaargeld, volgens die kommissie die swaarste deur die ekonomiese krisis getref is.
MELKMARGE STYG
In die verslag wat in Desember uitgereik is, kyk die kommissie onder meer
