Beweeg weg van simplistiese wisselweiding
Vir die volhoubare bestuur van veld – die veeboer se bekostigbaarste aanslag teen die kosteknyptang – moet ’n weidingstelsel gekies word wat bestaan uit seisoensbeweiding, wisseling van kampe volgens ’n ongereelde patroon, opeenvolgende beweiding van kampe in die winter en rustydperke.
Prof. Kevin Kirkman, hoogleraar en weidingkundige aan die Universiteit van Kwa-Zulu-Natal, het tydens die virtuele LRF-Veeskool gepraat oor wisselweistelsels wat geskik is vir die omgewing.
Veld verskaf laekosteweiding aan die lewendehawebedryf, asook biodiversiteit, grondbeskerming en watervoorsiening in die hidrologiese siklus. Volhoubare bestuur van hierdie belangrike hulpmiddel is noodsaaklik in belang van die lewendehawebedryf en gemeenskap
