Laat leef – en stroop die voordele
As deurwinterde bewaringsboere en dekgewasvoorlopers is mnr. Egon Zunckel en sy seuns heeltyd toegespits op die beskerming van die natuur en omgewingsvriendelike siekte- en insekbekamping. Dekgewasse speel ’n prominente rol deurdat dit nie net weiding vir hul vee verskaf nie, maar ook die grond verbeter.
Die Zunckel-boerdery het die afgelope seisoen DuPont Pioneer se Weeg-en-Wen- én Graan SA se Grow for Gold-opbrengskompetisie vir droëlandmielies in KwaZulu-Natal gewen, en was tweede in die afdeling vir droëland-sojabone in die provinsie. Die weninskrywing met mielies was met ’n standaardkultivar van Pioneer, P1197, wat ’n opbrengs van 13,802 t/ha behaal het. In die sojaboonkompetisie het hulle met ’n blok van die Pioneer-kultivar P61T38, ’n Roundup Ready-kultivar, deelgeneem wat danksy ’n goeie opbrengs van 4,735 t/ha aan hulle die tweede plek in albei kompetisies besorg het.
Egon (58) het in die vroeë 1980’s op die plaas Rustenburg by Bergville in KwaZulu-Natal begin boer. Hy is ná skool eers weer-mag toe en het die plaas toe reeds gekoop en uitverhuur totdat hy in 1984 self begin boer het. Deur die jare het hy die boerdery baie uitgebrei.
Sy seuns, Tyson
