BEHAAL plantsukses
As jy plantsukses behaal het, het jy waarskynlik nou al ʼn mooi tuin wat jou gelukkig en tevrede maak sonder dat dit te veel meer van jou vra. Indien nie, skep moed omdat plantsukses afhang van maklike woorde soos “klimaat”, “beplanning”, “plek”, “voorbereiding” en “sorg”.
1 Klimaatsake
Een van die hoofredes waarom sommige plante die tuinier soms teleurstel (selfs al word hulle eindeloos gepamperlang), is dat hulle nie by moeilike klimaatstoestande kan aanpas nie. Hoewel kunsmatige mikroklimate in enige tuin geskep kan word om een besondere moet-he-plant te plesier, is dit onsinnig om dit vir die hele tuin te doen.
As jy in ʼn gebied tuinmaak wat geneig is om in die winter strawwe ryp en koue wind te kry, oorweeg die volgende keuses:
• raak rustend in die winter, verloor al hul blare en verhard die selle in stamme en takke om te oorleef. Inheemse bome soos (riviervaderlandswilg) en (gewone drolpeer) is goeie voorbeelde en is nie vervelig nie omdat hulle of herfsblare of lentebloeisels gee. Hierdie is ook goeie keuses vir kustuine in beide somer- en winterreenval klimate.
