De Rust se kostuin voed liggaam en gees
Spensplaas, die kostuin wat in die tyd van die strengste koronavirus-inperking gevestig is, is meer as ’n manier om gesonde kos te voorsien.
Die kostuin bring gemeenskappe nader aan mekaar, bou vriendskappe, inspireer mense om klein ondernemings te begin en leer mense van organiese groenteverbouing.
Die tuin en die mense wat daarby betrokke is, het boonop binne ’n paar maande en met min hulpbronne reggekry wat miljoene ran-de en ambisieuse voedselsekerheidsplanne elders sukkel om te bereik.
Me. Kath Eybers van die Numbi Valley-permakultuurplaas by De Rust sê Spensplaas oortref alles wat hulle in gedagte gehad het.
“Die groente groei makliker as wat ons gedink het, die grond is regtig goed en daar is nie plae nie. Ek kon my ook nie die verhoudinge indink wat hier ontwikkel het nie.”
Hulle behaal goeie opbrengste en die groente
