Hoe verskaffers op die pandemie gereageer het

Ons het duidelik beter antwoorde deur versekeraars nodig oor hoe hulle hul polishouers in sulke krisisse kan help – selfs nou, byna ’n jaar later.

finansiële beplanners is gewoond aan situasies waar ons kliënte moet help om hul koers weens onvoorsiene lewensgebeurtenisse aan te pas. As probleme voorkom, is dit gewoonlik in die vorm van weerstand deur produkverskaffers. Dis wanneer die “bepalings en voorwaardes” uitgehaal word. Met Covid-19 was dit egter vir adviseurs sowel as produkverskaffers anders. Die blote omvang van versoeke om die een of ander soort planaanpassing was anders as enigiets wat ons nog vantevore gesien of ervaar het. Dis egter makliker gemaak deurdat die meeste verskaffers gevestigde sakepraktyke laat vaar en ’n bietjie verligting aan kliënte probeer bied het.

Ons almal het lesse daaruit geleer.

Rol van die adviseur

Dit het vir ons as ons kliënte se adviseurs gou duidelik geword dat ons met ’n ongewone en diepgaande situasie te doen gehad het. Ons kon nie net ons toevlug neem tot die gewone antwoord aan kliënte dat “hulle hul dekking of voordele sou