Presisieboerdery met mielies vir top-oeste

LIGGING

Bothaville, Vrystaat

KORTOM

■ Dié boerdery meet en weeg voortdurend in sy mielie- en skaapvertakking in navolging van die beginsel ‘om te meet, is om te weet’.

■ Inligting is net nuttig as dit behoorlik ontleed en vir boerderybesluite gebruik word.

■ Dit speel veral ’n belangrike rol in groot besluite, soos die aankoop van duur, maar belangrike werktuie.

Daar is geen verskil tussen die Hoffmans van Bothaville se benadering tot mielie- en skaapboerdery as dit by presisieboerdery kom nie. Albei boerdery-afdelings word met militêre presisie en die beste tegnologie ter wille van die hoogste opbrengste, inkomste en wins per hektaar bestuur.

Daarom is die insameling van data oor elke deeltjie van die boerdery uiters belangrik, sodat dit deeglik ontleed kan word.