Kies die regte koeie en bulle
Soos in enige ander boerderyvertakking is die strewe in die geval van vleisbeeste om die maksimum uitsette van hoë gehalte te lewer met die minimum insette. Dit moet egter nie ten koste van die volhoubaarheid van so ’n bedryfstak wees nie.
Hulpbronne moet dus só benut word dat dit steeds in komende jare beskikbaar sal wees. Die koste van produksie moet ook, afgesien van kort tydperke van konsolidasie of in ’n krisis, nie die inkomste oorskry nie.
Die voedings- en onderhoudkoste van die teelkoeie is die grootste enkele uitgawe in ’n vleisbeesbedryfstak (naas die vaste koste).
Doeltreffende koeie vorm dus die grondslag van wins. Die eienskappe wat tot doeltreffendheid bydra, kan meestal in die
