NETFLIX & SHOWMA X SE HIT TEGOLF
KOM ons wees eerlik: Dis nie net boeiende kykstof, goeie toneelspel of die gevaarlike coronavirus daarbuite wat ons voor die TV vasgenael hou nie.
Nee, dis ook – en veral – daardie hoogs aantreklike akteurs in Showmax en Netflix se trefferreekse waarvan ons nie genoeg kan kry nie. Met hul dromerige oë, sterk kakebene en lenige lywe laat hulle die kwik gevaarlik hoog styg.
Hierdie is tans ’n paar van die sexyste manne in stroomland…
REGÉ-JEAN PAGE (31)
REEKS: BRIDGERTON
Regé-Jean wat verskyn as Simon Basset, die enigmatiese hertog van Hastings, in Netflix se jongste trefferreeks Bridgerton, is nou loshande een van die begeerlikste mans op die kassie. Hy het voorheen sy lyf prokureur gehou in die regsdramareeks For the People, maar dis met sy Bridgerton-rol dat hy kykers laat swymel. Daarin speel hy ’n losloper-hertog wat nie wil trou nie – tot die jong Daphne Bridgerton (gespeel deur Phoebe Dynevor) sy oog tref.
Hy is in Zimbabwe gebore as die tweede jongste van vier kinders. Sy ma was ’n Zimbabwiese verpleegster en sy pa ’n Britse predikant. Hy was 14 toe die gesin na Londen verhuis het.
Daar word gegis dat
