KNORRIGSTE STER IN HOLLYWOOD
HY HET altyd geweier om met die regte naam na sy bekendste rolprent te verwys. Vir Christopher Plummer was dit The Sound of Mucus of S&M – ’n onderlangse verwysing na sadomasochisme.
In sy outobiografie van 600 bladsye het hy net ’n kort hoofstuk aan die immergroen gunsteling afgestaan – dit het in 1966 vyf Oscars gewen, maar nie een vir hom nie. Die hoofstuk begin met ’n aanhaling: “Om The Sound of Music te kyk is soos om met ’n Hallmark-kaartjie doodgeslaan te word.”
Die akteur, wat onlangs in die ouderdom van 91 oorlede is, het Captain Von Trapp gespeel, die wewenaar-pa van sewe kinders wat ’n voormalige non as hul goewernante aanstel en dan op haar verlief raak.
Julie Andrews was in die hoofrol as Maria, en al het hy gehaat om dit te erken, het Christopher geïntimideer gevoel.
Ja, hy was ’n uiters begaafde en ongelooflik eiesinnige akteur, volkome oortuig van sy eie briljantheid. Maar Julie was die geliefde heldin van Mary Poppins, die vrou met die stem van ’n engel wat op Broadway en die West End in My Fair Lady geskitter het
