Projek kry jonges by boerdery betrokke
Baie landboustudente wonder ná hul studie hoe hulle ondervinding gaan opdoen om makliker ’n werk in die bedryf te kry of suksesvol te boer.
Leerlingskappe vir gegradueerdes is algemeen in die regs- en rekenmeestersberoep, maar nie so volop vir landboustudente nie. Daarbenewens moet planne beraam word om jong mense na die landbou te lok.
Die nasionale departement van landbou, grondhervorming en landelike ontwikkeling se internskapprojek bied geleenthede aan landboustudente wat grade en diplomas behaal het, om praktiese ondervinding in boerderye op te doen.
Mnr. Lamazo Cloete en mee. Grace Diergaardt en Megan Wirtz, drie studente wat onlangs hul twee jaar lange internskap op ’n plaas by Nieuwoudtville voltooi het, meen ander studente moet dié geleentheid om te leer, aangryp.
Cloete moedig jong mense aan om aan die projek deel te neem, veral as hulle ná hul studie nie vaste planne het nie.
“Dit is ’n goeie manier om blootstelling te kry én dit gee jou ’n groter prentjie van wat in die landbou aangaan. Dit is eintlik ’n proeflopie en help jou om ’n rigting in die
