Markgerigte klem laat tafeldruiwe floreer
Daar is rede om te glo vanjaar se tafeldruifoes gaan ’n rekordoes wees. Só het mnr.
Clayton Swart, kommunikasiebestuurder van Sati (die Suid-Afrikaanse tafeldruifbedryf), gesê op ’n webinaar van Beanstalk.Global, KisanHub en die varsprodukte-bemarkingsvereniging (PMA).
“Ons beraam die totale inname gaan sowat 70 miljoen kartonhouers van 4,5 kg beloop.”
Boere is meer as driekwart deur die oestyd, wat ongeveer in week 42 begin en gewoonlik tot week 22 van die volgende jaar duur.
Tot dusver het die noordelike produksiestreke en die Olifantsrivierstreek met onderskeidelik 7,8 miljoen kartonhouers en sowat 4 miljoen kartonhouers die meeste tafeldruiwe nóg in dié gebiede gepak.
Ten spyte van reën vroeg in Januarie het die Oranjerivierstreek ook beter as verwag gevaar en
