Prys van graan en oliesaad kan jare hoog bly

Met die uitsondering van sojabone, waar die oesskatting heelwat hoër is as verlede jaar, is die verwagtinge vir somergrane en oliesade afgeskaal in die tweede skatting van die nasionale oesskattingskomitee. Die oeste word in die volgende maande ingesamel.

Die seisoen het baie goed weggespring met reën wat oor die grootste deel van die saaigebied betyds geval het sodat op die optimale tyd geplant kon word. Daar is egter heelwat versuipskade nadat dit in Desember 2020 en Januarie 2021 oormatig gereën het voor ’n droë, warm Maart.

Benewens die sojaboonoes, is die ander gewasse se aanvanklike rekordoeste afgeskaal na laer vlakke. Die relatief normale oeste, veral van mielies, geskied