Agter die stuur
Ek was verheug om te hoor dat ons die opgegradeerde Toyota Fortuner – wat nou 'n ordentlike 150kW krag en 500Nm wringkrag bied, danksy die nuwe 2.8-liter GD-6-enjin wat die eerste keer in die Hilux bekendgestel is – vir ‘n langnaweek bos toe kon neem.
Aangesien ons die boskamp met beperkte geriewe wou gebruik, het ons met die ouens van Conqueror Connection East Rand gesels, wat meer as bereid was om ons toe te laat om hul Conqueror Comfort Recce uit te probeer. Die Fortuner was nog altyd 'n gunsteling vir my en die kans om uiteindelik daarmee te sleep was opwindend.
Ons bestemming het noord van die Soutpansberg gelê, wat ongeveer vyf en wat veilige konneksie en lekker musiek op die pad beteken – as die DJ maar net so bekwaam soos die Fortuner was!
