PLAASVERKOPE
MARKNEIGINGS
PRYSE STABILISEER
In die Oos-Kaap is dalende grondprysneigings in 13 distrikte (37%) waargeneem teenoor 52% die vorige jaar. Dit is opmerklik dat pryse in sommige dele van die provinsie stabiliseer.
Pryse by Kariega en Barkly-Oos het met meer as 10% gestyg. Distrikte wat nog deur ongunstige grondprysdruk geraak word, sluit in Alexandria, Graaff-Reinet, Joubertina, Komga, Queenstown, Somerset-Oos en Stutterheim.
In die tabel is ’n opsomming van grondtransaksies groter as 10 ha in die Oos-Kaap vir die 12 maande tot Februarie vanjaar.
In dié tyd is 271 ooreenkomste (vergeleke met 286 die vorige jaar) in 35 distrikte gesluit. Dit is 5,2% minder as in die vergelykende tydperk ’n jaar gelede. Altesame 144 977 ha is teen R1 741 miljard verhandel.
Transaksieregistrasies volgens plaasgrootte (met verlede jaar se syfer tussen hakies) lyk soos volg: kleiner as 50 ha, 25% (24%); 50-150 ha, 13% (12%); 150-300 ha, 13% (15%), 300-450 ha, 10% (12%); 450-600 ha 6% (6%); groter as 600 ha, 32% (31%).
Statistieke vir ál die provinsies is op Landbou.com beskikbaar, asook meer besonderhede, soos wie die transaksies aangegaan het. Klik op plaasverkope. Dit behels:
■ Statistieke.
■ Besonderhede oor alle plaasverkope binne ’n distrik.
■ Ontleding van die randwaarde per hektaar van transaksies in elke distrik.
GAUTENG
PRETORIA
KAMEELFONTEIN (297), 22 ha, aan M. Maerien, van Vleispag BK, R2 200 000. WITFONTEIN (521), 173 ha, aan Transverta BK, van WS du Plessis-trust, R6 000 000.
KWAZULU-NATAL
LADYSMITH
BUFFELS KRAAL (2182), 453
