‘Koop gesonde rooivleis!’
Beesboerdery is al geslagte lank in die Carroll-gesin se bloed. Die Carrolls boer in die distrik Lichtenburg in Noordwes op die plase Loslapdoorns en Kalkspruit. Hulle het ook verskeie ander plase in die omgewing.
Mnr. Peter Carroll is die vyfde geslag wat in die distrik boer.
“Ek is al van kindsbeen af lief vir beeste en wou met niks anders boer nie. My oorlede pa, Mick, het destyds met ’n saaiboerdery begin, waarvoor hy baie trekosse nodig gehad het.
