VEILINGS

LICHTENBURG / SIMMENTALER / R340 000

’n Suid-Afrikaanse rekordprys van R340 000 is op die Lichtenburg-skouveiling vir ’n Simmentaler-koei (3-in-1) betaal. Die koei, Von-Adel), was in 2019 die senior, groot- en superkampioen op Ottosdal en Vryburg. Sy was ook die beste koei (alle rasse) op Nampo 2019. Sy is dragtig en is met haar seun Ponchos aan mnre. Martiens de Jager sr. en jr. van Gulland Simmentalers, Rustenburg, en me. Louriska en mnr. Conrad Meyer van Deomika Simmentalers, Kuruman, verkoop. Die teler is mnr. Nico Venter van Von-Adel Simmentalers, Coligny. Van links is mnre. Willie van den Berg, Theuns Visser, afslaer, Venter, Martiens de Jager jr. en sr. en Johannes Modise, hanteerder. Die hoogste prys vir ’n Simmentaler-bul was R120 000 en bulle het gemiddeld R70 000 behaal.