Angus-beeste om dié redes ideaal vir kuddes
Angus-stoettelers in Suid-Afrika leef daagliks hul liefde vir beesboerdery uit en teel aangepaste, vrugbare diere. Dié diere word aan telers reg oor Afrika verskaf om hul onderskeie kuddes te verbeter.
Die Angus is die volopste vleisbeesras ter wêreld en stel stoettelers in staat om teelmateriaal uit die grootste genepoel ter wêreld te bekom. Amerika is net een van die lande van waar semen ingevoer word om die Suid-Afrikaanse genepoel te verbeter. Amerika spog met meer as 450 000 geregistreerde Angus-diere.
