SA se oudste wynroete vier 50 jaar van mylpale
In 1971, twee jaar ná Frans en Liza Malan van Simonsig en Niel en Bontie Joubert van Spier in Frankryk die potensiaal van ’n wynroete raakgesien het, het hulle saam met Spatz Sperling van Delheim die Stellenbosch Wynroetes gestig. Dit was grensverskuiwend vir Suid-Afrika, wat toe nog oor ’n baie primitiewe en hoogs gereguleerde wynbedryf beskik het.
Sommer gou het nóg twaalf plase – onder meer Blaauwklippen, Overgaauw, Neethlingshof, Muratie en Hartenberg – by hulle
