Medisyne vir die koue

Hier tussen Mei en Augustus raak Suid-Afrikaanse kampeerders maar stil, en met goeie rede ook, want in dié maande is die weer in groot dele van die land werklik goor en niemand is regtig lus om in sulke omstandighede te kamp nie. (Daar is wel uitsonderings – dink maar aan die KwaZulu Natalse kus waaroor ons op bl. 38 in die kampbestemming skryf. – Red.)

Selfs al kry jy vir jou ’n kampkol waar jy beskut is teen die wind – en in sommige gevalle reën – is die ysige temperatuur nie iets waarvoor ’n mens kans sien nie.

Met hierdie produkte kan jy met meer gemoedrus ’n winterkamp aandurf.

HIGHLANDER-1 ℓ-FLUITKETEL VAN ALUMINIUM

Fluit-fluit

Ons almal het elektriese ketels by die huis wat selfs vanself afskakel wanneer die water kook,