Herlewingslandbou en wingerd: Ja, dit ís moontlik
Die staatsman Jan Smuts, ’n groot aanhanger van holisme, het gesê die natuur werk met patrone sowel as die geheel.
“Die mens kan nie die geheel bestuur nie, daarvoor is ons té detail-geöriënteerd. As ons iets wil doen, moet ons besef waar die patrone is en dit verander,” het mnr. Dick Richardson van die Grazing Naturally-program onlangs vanuit Australië, waar hy woon en werk, gesê op ’n webinaar oor herlewingsboerdery wat deur mnr. Dirk van Zyl, wynmaker by Saxenburg by Stellenbosch, aangebied is.
“As jy somer ná somer mielies plant, gaan dinge só begin vereenvoudig dat jy jouself in ’n hoek vind. Dalk moet jy sorghum of lablabbone tussenin plant, of dalk die grond vir drie jaar onder gras sit. Breek net die patroon. Hoe meer ons patrone verbreek, hoe meer kan ons met die natuur saamwerk en ’n meer gebalanseerde en
