Lae netto voerinname lei tot voerdoeltreffendheid
Aangesien die volhoubaarheid van vleisbeesboerder y toenemend onder druk is, val die klem al hoe meer op produksiekoste. Dit is geen geheim dat voer meer as 70% daarvan uitmaak nie. Voerdoeltreffendheid is dus tot die produsent se voordeel.
Voeromsetting (kilogram voer gevreet teenoor gewigstoename) is tradisioneel as maatstaf vir doeltreffendheid gebruik. Dít word uitgedruk as voeromsettingsverhouding. Indien dit 6,5 is, het die dier dus 6,5 kg voer gevreet om 1 kg gewig aan te sit.
Die meet van voerdoeltreffendheid het egter oor die afgelope paar jaar begin verander danksy die
