Sorg vir die grond, en die grond sorg vir jou

PLAASINLIGTING

LIGGING: Wakkerstroom, Mpumalanga

NAAM: Langfontein

EIENAARSKAP: Maatskappy

VERTAKKINGS: Mielies, sojabone, aangeplante weiding (raaigras), vleisbeeste, wolskape, voerkrale, graansilo’s, graandrogingsaanleg, saadfabriek, kunsmisaanleg en landbou-adviesdiens

GRONDTIPE: Verskeidenheid, soos Kranskop, Avalon en Hutton, met 15-35% klei

VELDTIPE: Hoëveld-suurveld

GEMIDDELDE REËNVAL: 750-850 mm per jaar

KORTOM

■ Die sukses van die Langfonteinplan sluit die bepaling van die grond se potensiaal in.

■ As deel van die plan word kalktoediening gedoen om die pH reg te kry vir gewasverbouing, kultivars slim gekies en seker gemaak van die optimale planttyd, plantdiepte, rywydte en stand.

■ Die boerdery volg ook ’n volledige gewasbeskermingsprogram wat klem lê op voorkomende bespuiting en behandeling, probeer korrektiewe optrede tot die minimum beperk, en dien alles teen die aanbevole, geregistreerde dosisse toe.

Keer altyd terug na die grond en basiese grondbeginsels.

Dít is die kern van die Langfonteinplan wat mnr.BP Greyling op sy plase by Wakkerstroom in Mpumalanga ontwikkel het. Rondom hierdie beginsel het hy ’n praktiese boerderystelsel opgebou wat enige boer in staat stel om maksimum oeste te behaal.

Hy het grootgeword op Wakkerstroom, wat hy die knersvlakte noem, want die winters is lank en koud en landerye is in die ou dae gemaak om vee deur die koue te kry, nie juis om graan kommersieel te verbou nie. Die kwik daal soms tot -18 °C. Daarom verg dit uitsonderlike