Kruie vir gesonde troeteldiere
Troeteldiere moet ook in die winter gepamperlang word. Net soos mense ervaar diere ook die koue en plaas die koue weer hul immuunstelsels onder druk. Daar is klagtes oor velprobleme, gewrigsinflammasie en artritis wat ook kan opvlam, veral by ouer diere.
Behalwe om hulle warm te hou kan katte en honde, selfs voels, baat vind by gesonde kruietonikums wat by hul kos en drinkwater gevoeg word. Die gebruik van kruie om spysverteringsprobleme te verlig en wurms uit te dryf is nog ʼn manier om ʼn troeteldier se algehele gesondheid in stand te hou, terwyl kruiewasmiddels die haarkleed en vel gesond hou.
(Dit is altyd belangrik om te benadruk dat kruiebehandelings nooit ʼn besoek aan die dierearts moet vervang nie.) Volgens Mary Wulff-Tilford en Gregory Tilford, outeurs van (Bowtie Press), is die grootste geneesvermoe van kruie nie daarin gelee om ʼn alternatief vir gebruiklike geneesmiddels te wees nie, maar om die natuurlik helende
