Kwartels in die woestyn – van Israel tot die Namib
Dit is dalk onkonvensioneel, maar met die regte bestuur en harde werk kan ’n kwartelboerdery tot ’n baie suksesvolle boerdery groei, sê Melinda Horn van die plaas Valencia in die Arandis-omgewing in die sentraalweste van Namibië, waar sy en haar man, Francois, boer.
Francois, wat as meganiese ingenieur in Pretoria gewerk het, het in 2008 na sy geboorteland teruggekeer waar sy ouers toe nog geboer het. Melinda was voor hul troue ’n huishoudkunde- en verbruikerstudieonderwyseres aan die Hoërskool Fochville. Indien mense haar destyds sou vra of sy in die Namibwoestyn wil gaan woon, sou sy onomwonde antwoord: Nóóit.
Maar soos almal weet, is nooit ’n lang tyd, en nou is Melinda ingeburger in die Namib met ’n kwartelboerdery wat haar en haar man goed besig hou. Francois boer ook met Simbra-beeste in die Tsumeb-omgewing.
Die lang droogte, wat steeds nie gebreek is
