OLIE VIR OLIKES
Om te olie, of nie te olie nie – dít is die vraag waarmee baie Suid-Afrikaners deesdae worstel wanneer hulle vir alternatiewe rate soek om hul gesondheid op te knap. Miskien omdat dagga so lank onwettig was in Suid-Afrika (en dit steeds onwettig is om dit te koop of verkoop) is daar ’n stigma rondom CBD-of kannabidiol-olie (die nie-psigoaktiewe komponent van die daggaplant) en huiwer baie mense om deurmekaar te raak daarmee.
Cannabisplante het minstens 85 bestanddele, waarvan CBD en THC die twee hoofbestanddele is. Koningin Victoria van Engeland het blykbaar CBD gebruik om te help met menstruele krampe. Hemp, ’n tipe cannabisplant wat ryk is aan CBD, is een van die
